Арадай Хуралай депутадууд багшанарай салин дээшэлүүлхые дурадхаба

Ноябрии 15-да Арадай Хуралай һунгамалнууд Һуралсалай болон эрдэм ухаанай сайдай орлогшо Доржи Ангархаевһаа 2018 ондо багшанарай салин нэмэгдэхэ гү гэжэ асуужа һонирхобо. Улас түрын 2018 оной мүнгэн һан тухай хуулиин түсэлэй хоёрдохи уншалгада бэлдэлгын ажалай бүлэгэй суглаан дээрэ энэ асуудал соностобэ гэжэ уласай парламентын хэблэлэй албанай дуулгаһые дууряажа Восток-Телеинформ мэдээсэнэ.

МРОТ-ай хэды дээшэлүүлэгдэбэшье, һүүлэй гурбан жэлэй туршада багшанарай салин хүлһэн нэмэгдээгүй, - гээд ажабайдал хангаха түрын талаар хорооной түрүүлэгшэ Александр Стопичев зураглан тэмдэглээ. – Зарим багшанарнай 12 мянган түхэриг абана – уборщицынш салинһаа доошо. Юу хэхэмнайб? Аяар гурбан жэл соо энээн тухай дуугаралсанабди, харин яаманай талаһаа тодо харюу үгы байһан зандаа. Багшын салин һүүлэй табан жэлэй туршада гансал ажалаа ехэ болгохоһоонь дээшэлнэ – ставкануудые нэгэдүүлхэтэй гү, али коммунальна гаргашануудыень салингайнь тоодо оруулһантай тэрэ холбоотой. Хэды болотор хүндүүлхэй энэ асуудалһаа далтирхабибди? Салингайнь хэмжээ 4-ш процентээр дээшэлүүлхэ мүнгэ һан дотороо олохо шухала.    

Буряад уласай яаман иимэшүү дурадхал дээдын түбэй яаманда дамжуулаа һэмди, харин харюу мүн лэ үгы, гээд Доржи Ангархаев харюусаа һэн. Нютаг можо хорондын холбооной талаар хорооной түрүүлэгшэ Цыденжап Батуев суглаанда хабаадагшадай анхаралда багшанарай салин хүлһэнэй хэмжээн тухай асуудал нютаг ороной мэдэлдэ, тиимэһээ эндээ энээниие шиидхэжэ боломоор гээд дуулгаа. Тиихэдэнь Һангай, налогой болон мүнгэнэй талаар хорооной депутадууд хэлэгшыень дэмжэбэ. Тиин тиигэн энэ асуудал 2018 оной мүнгэн һангай хэб бэлдэлгын ажалай бүлэгэй удаадахи суглаанда зүбшэн хэлсэхээр тэхэрюулэгдэбэ. Тэрэ болотор Буряад Уласай Эрдэм һуралсалай яаман тодорхой дурадхалнуудые оруулхаар уялгалагдаба. 

 

 

 

 

Скорректирован бюджет республики - Народный Хурал Обновленный финансовый документ предусматривает перераспределение средств в пределах общего объема расходов и включает поступившие поправки Главы Бурятии.
Народный Хурал
ПОИГРАЛИ В ДЕМОКРАТИЮ — И ХВАТИТ! - КПРФ Сегодняшний день (28 марта 2024 г.) по-настоящему можно считать началом конца института выборов в Бурятии: на пятой по счету сессии VII созыва »Народный» Хурал большинством голосов правящей партии принял законопроект,
КПРФ
Из улан-удэнской многоэтажки сегодня спасли людей - ГТРК Бурятия 14 человек, в том числе четверо детей, едва не пострадали Фото: скриншот Днем на центральный пункт пожарной связи поступило сообщение о задымлении в многоквартирном доме по улице Толстого в Советском районе.
ГТРК Бурятия
Выставка ко Дню космонавтики - Национальная библиотека Ко Дню космонавтики в читальном зале Национальной библиотеки проходит книжная выставка «Открыты нам небесные просторы».
Национальная библиотека