Буряад уласай холо захын аймагуудаар наранай элшэ хүсэнэй станцинууд баригдаха

Улаан-Үдэдэ Байгалай ажахы хангалгын хуралдаанай оршондо Буряад Уласай Засагай Газарай болон «Хевел» гэһэн бүлэг хамтаралнуудай хоорондо тусхай хэлсээн баталагдаба. Тус хэлсээнэй ёһоор, бэеэ дааһан оньһон түхеэрэлгэнүүдэй ашаар уласай холо саагуурхи аймагуудые зайн галаар хангалтые улам һайжаруулха хүсэлһөө наранай элшын электростанцинуудые барихаар түсэблэгдэбэ.

Харилсаа холбоотойгоор хүдэлхэ тухай хэлсээндэ Буряад Уласай Толгойлогшо Алексей Цыденов болон ООО «Хевел» эмхиие хүтэлэн залагша ООО «Авелар Солар Технолоджи» бүлгэмэй түрүү зарлал Игорь Шахрай гэгшэд гараа табилсаа. Тэрэ хэлсээн 2023 оной январиин 1 болотор хараатай, зүгөөр хүсэниинь һунаагдажашье болохо. Буряад уласта элшэ хүсэнэй бүрин байгуулалтые хүгжөөхэ гэһэн гол зорилгонь мүн. Юрэнхыдөө, республика дотор хамта дээрээ 150 МВт хүсэнэй наран элшын станцинууд болоод, 2,5 МВт хүсэнэй холимол хангалтын элшэ хүсэнэй түхеэрэлгэнүүд баригдаха жэшээтэй, гээд Толгойлогшын болон Засагай Газарай хэблэлэй албаниие дууряан Восток-Телеинформ мэдээсэнэ.

Гадна, хэлсээнэй ёһоор, «Хевел» бүлгэмэй мэргэжэлтэд хамта дээрээ 2,5 МВт хүсэнэй холимол хангалтын элшэ хүсэнэй түхеэрэлгэнүүдые асаржа хабсарха болобо. Жэшээнь, Баунтын аймагта дизель түлишын, наранай элшын, мүн аккумулятор батарейн элшэнүүдые холисын түхеэрэлгэ дурадхагдаһан байна. Мүнөө сагта тэндэ гансал дизель түлишын станци хүдэлнэ, тэрэньшье сүүтхын 16 сагта элшэ тараадаг юм.

Ута холын шалтагһаа зайн галаар ходо ядалдажа байдаг  Баргажанай, Хурамхаанай, Ахын болон Баунтын аймагтахи нютаг нугануудаа хожомоо нарилан бүридхэхэбди, - гээд Буряадай Толгойлогшо эндэ нэмэжэ онсолоо.  

 
По теме
Жителям Бурятии ради денег приходится халтурить в выходные - ИА Байкал-Daily Фото:Baikal-daily.ru Они подрабатывают таксистами и курьерами Представители российской платформы HeadHunter изучили вакансии, опубликованные в Бурятии, и составили подборку предложений о подработке в выходные дни.
ИА Байкал-Daily
Из улан-удэнской многоэтажки сегодня спасли людей - ГТРК Бурятия 14 человек, в том числе четверо детей, едва не пострадали Фото: скриншот Днем на центральный пункт пожарной связи поступило сообщение о задымлении в многоквартирном доме по улице Толстого в Советском районе.
ГТРК Бурятия
Выставка ко Дню космонавтики - Национальная библиотека Ко Дню космонавтики в читальном зале Национальной библиотеки проходит книжная выставка «Открыты нам небесные просторы».
Национальная библиотека